O Nadal comezou oficialmente este martes co acendido do alumeado na Praza do Reló

Este martes, o Concello da Guarda deu oficialmente por comezado o Nadal co acto do acendido do alumeado na Praza do Reló, que ao igual que o pasado ano, converteuse nunha gran festa na que gozaron adultos e pequenos.

Este martes, pouco despois das 20:30 h, comezou o acto do acendido do alumeado de Nadal na Praza do Reló da Guarda, co cal o Concello da a benvida oficialmente ás datas navideñas na Vila. A concelleira de Cultura, Elena Baz, foi a encargada de presentar o evento, acompañado polo alcalde do Concello da Guarda, Antonio Lomba, que contou coa participación dun numeroso grupo de cativos e cativas para acender as luces que decoran os balcóns do Consistorio e da Casa dos Alonso.

O acto completouse coa actuación do grupo Xamaraina, animando a noite coas súas coreografías, e coa música de DJ Maci. Os asistentes puideron desfrutar tamén dun photocall e unha caravana de Nadal, cedida por Mercado do Reló, mentres tomaban chocolate quente, así como da visita de Elsa de Frozen e Tom e Jerry, cos que os máis cativos non perderon a oportunidade de sacarse fotos.