O 6 de xuño abre o derradeiro prazo de petición de citas para a renovación do DNI en 2018
As persoas que precisen renovar o seu Documento Nacional de Identidade (DNI) entre setembro e decembro deste ano, poderán solicitar a súa cita a partir do vindeiro 6 de xuño.
De acordo co calendario da unidade móbil do Corpo Nacional de Policía de Vigo, as renovacións poderán realizarse na Casa dos Alonso os días 11 de setembro de 2018 (con recollida do documento o día 14 do mesmo mes), 9 de outubro (con recollida o día 16) e 13 de novembro (con recollida o día 16).
O horario de atención ao público para a petición de citas será de 9:00 a 14:00 horas. O día 6 de xuño as solicitudes só poderán realizarse de xeito presencial. Para máis información, as persoas interesadas poden dirixirse á Secretaría do Concello chamando ao teléfono 986 610 000, extensión 4.
