O Concello da Guarda colabora co Sistema de “Garantía Juvenil” informando e inscribindo aos interesados
As Concellerías de Formación e Emprego e Xuventude da Guarda colaboran co Ministerio de Servizos Sociais e Igualdade no Sistema de “Garantía Juvenil”.
Esta iniciativa, promovida pola Unión Europea, ten como obxectivo que os xoves entre 16 e 29 anos que non estean cursando estudos, formación ocupacional ou non teñan emprego, poidan recibir unha oferta de emprego, de educación ou de formación tras haber finalizado os seus estudos ou quedar desempregados.
As persoas interesadas en participar neste programa poden achegarse á OMIX do Concello da Guarda. Dende aquí, se lle dará toda a información necesaria e se solicitará o usuario en contrasinal para poder inscribirse no Sistema de Garantía Xuvenil.
Ademais poden acceder a páxina www.empleo.gob.es/es/garantiajuvenil/home.html para recadar máis información.
Requisitos para inscribirse
– Ter a nacionalidade española ou ser cidadá da Unión Europea. Ser estranxeiros titulares dunha autorización para residir en territorio español que habilite para traballar.
– Estar empadroado en calquera localidade de territorio nacional español.
– Ter máis de 16 anos e menos de 30 no momento de solicitar a inscrición.
– Non haber traballados nos últimos 30 días naturais.
– Non haber recibido accións educativas (máis de 40 horas mensuais) nos últimos 90 días nin haber recibido accións formativas (máis de 40 horas mensuais) nos últimos 30 días.
– Solicitar e presentar unha declaración expresa de ter interese en participar no “Sistema de Garantía Juvenil”.
