O Concello da Guarda e ORPAGU convidan a participar na ruta “Espada en Tapas” que continúa esta fin de semana
A ruta musical acompañará ós comensais mentres degustan os pinchos nos diferentes establecementos adheridos
O alcalde da Guarda, Antonio Lomba e a xerente de ORPAGU, Juana Parada, xunto coa Concelleira de Turismo, Montserrat Magallanes, visitaron algún dos locais participantes na segunda edición da ruta “Espada en Tapas”. Mesta iniciativa once establecementos adheridos ofertan tapas de peixe espada gratuítas nas dúas últimas fins de semana de setembro.
Desta maneira, hoxe venres día 25, o sábado e tamén o domingo, os restaurantes Aparthotel Marouco, Brisamar, Carla, Gaviota, Jamonería anabel, La Pizzicata, Marusía, O Cangrexal, Os Remos, Trasmallo e O Xeito, ofertarán de 12 a 13,30 horas e de 19 a 21 horas o pincho de peixe espada totalmente gratis.
Entre todos os participantes nesta ruta ORPAGU sortea unha cesta con un lote de produtos de peixe espada.
Ademais, o Concello entregará ás establecementos participantes unha fotografía profesional da súa receita e un diploma que faga constar o seu apoio, colaboración e participación no “Espada en Tapas”.
Na presentación no evento, os responsables dos diferentes medios de comunicación fixeron unha cata das diferentes tapas e, nos próximos días, se fará pública a gañadora.
Ruta musical
O Concello da Guarda colabora ademais cunha ruta musical polas diferentes rúas onde se asentan os establecementos adheridos.
Así, hoxe venres, a partir das 19,30 horas, haberá breves actuacións do grupo “Deixandar” no Aparthotel Marouco, Brisamar, Jamonería Anabel, Pizzicata e Carla.
Mañá, sábado, tamén a partir das 19,30 horas, o pasarrúas do grupo “Lirolai” fará un desfile dende a Alameda ata o Porto, pasando polos establecementos desta ruta gastronómica.
