O Concello da Guarda presenta o dispositivo de Tráfico para o XIV Encontro de Embarcacións Tradicionais de Galicia

“Anxo Baz, Teniente Alcalde da Guarda, anima a participación do conxunto dos Guardeses e Guardesas no Encontro de Embarcacións Tradicionais”

Esta mañá deuse a coñecer o Dispositivo de tráfico para o XIV Encontro de Embarcacións Tradicionais que se vai celebrar na Guarda entre o 11 e o 14 de xullo.

O dispositivo de tráfico está deseñado sobre a base dunha circulación restrinxida na zona do porto, onde se desenvolverán as principais actividades do encontro.

O concello facilitará zonas de aparcamento disuasorios situadas no antigo campo de fútbol, o aparcamento sito entre a Rúa Mariano Ordoñez e a Rúa Brasil coñecido como da Eléctrica , as zonas de aparcamento da Rúa Coruña, a zona de aparcamento sito na zona da Atalaia, a Canteira de Sta. Catalina e a zona da Sangriña.

O acceso ao porto da Guarda restrinxirase, entre as 9:00 h e as 22:00 h, ás actividades portuarias e pesqueiras, residentes, hoteis, provedores, así como a persoas con discapacidade.

O teniente Alcalde da Guarda e concelleiro de mobilidade, Anxo Baz, fai un chamamento á colaboración de todo o pobo. Baz, avanza que o “XIV Encontro de Embarcacións Tradicionais, supón un dos eventos máis importantes en termos de mobilidade celebrado nos últimos anos na nosa vila, onde é imprescindíbel o uso responsábel do coche, así como, a participación cidadá. Preparamos un dispositivo amparado nos 14 anos de experiencia que Culturmar ten na celebración deste tipo de eventos, onde a Asociación Piueiro e o voluntariado teñen posto grandes esforzos humáns e técnicos, os cales agradecemos, para garantir o disfrute de todas aquelas persoas que nos visitan”.

Haberá unha sinalización específica para marcar as zonas de aparcamento, así coma axentes da Policía Local e voluntarios que axudarán nas labores de control do tráfico e información para os visitantes.

Para calquera dúbida o teléfono da Policía Local é o 986610025

MAPA DE APARCAMENTOS DISUASORIOS

MAPA DE MOBILIDADE PEONIL E TEMPOS DE DESPRAZAMENTO A PÉ

MAPA DE CIRCULACIÓN