O Concello da Guarda recibe unha máquina varredora ao abeiro do Plan Concellos 2016 da Deputación de Pontevedra

Este xoves día 6 de abril o Concello da Guarda recibiu unha máquina varredora que irá destinada á limpeza de beirarrúas, zonas peatonais e calzadas da vila.

O alcalde da Guarda, Antonio Lomba, o Concelleiro de Servizos, Paulino Rodríguez e o Concelleiro de Vía se Obras, Miguel Español foron testemuñas de primeira man da utilidade e servizo que esta máquina poderá realizar na limpeza viaria na vila.

A recepción desta varredora faise ao abeiro dunha subvención da Liña 1 de Investimentos do Plan Concellos 2016 da Deputación de Pontevedra. O concello da Guarda solicitou unha subvención para a adquisición desta máquina de 72.600 euros, que lle foi concedida e que agora vese materializada. Finalmente  resolveuse que a varredora adxudicada fora da marca HAKO, modelo CITYMASTER 600, por un prezo de 71.874 euros.

Coa varredora recibida a labor diaria dos operarios de limpeza da Guarda gañará en fluidez, eficacia e rapidez para manter A Guarda nunhas boas condicións de limpeza durante todo o ano.