O deporte guardés despide o ano coa carreira de San Silvestre o domingo 28

A carreira de San Silvestre volve outro ano máis a despedir o deporte na Guarda. O 2025 pechará coa carreira e andaina da San Silvestre o domingo 28 de decembro, organizada polo Concello da Guarda en colaboración con Atletismo Trega.

Para participar, as inscricións son obrigatorias e xa están abertas ata o propio domingo 28 ás 10:00h da mañá (a partir de entón non será válida a inscrición). Podes inscribirte na seguinte ligazón: https://forms.gle/zTtnGKzKtvbSHPDo8

O domingo 28 farase a recollida de dorsais de 10:00 a 10:30h para arrancar coa saída da carreira e da andaina ás 11:00h da mañá.

O percorrido da andaina será de 4km aproximadamente dando unha volta ao circuíto e rematando no mesmo punto de saída. Pola súa banda, a carreira será de 5km aproximadamente, continuando o percorrido dando volta na Atalaia antes de chegar á meta final.