O Obradoiro Tecendo Lazos -Madurez activa e comunidade- chega á Guarda no mes de outubro

• As Inscricións están abertas dende o 25 de setembro a través do teléfono 986 61 0000 ext.7

O vindeiro 6 de outubro dará comezo o obradoiro Tecendo A Guarda, unha actividade orientada para que as persoas participantes dediquen parte do seu tempo de lecer a compartir espazos e experiencias á vez que elaboran distintas pezas creativas que serán colocadas en rúas e prazas do Concello, aumentado así o seu sentido de pertenza á comunidade na que viven.

O obradoiro vai dirixido a persoas de 65 anos en diante e se desenvolverá os venres de 16:00h a 17:30h.

As persoas interesadas en participar nesta actividade poderán facelo a partir do luns 25 de setembro chamando ao Concello da Guarda ao teléfono 986 61 0000 ext. 7.