O teatro infantil continúa na Guarda cunha obra de monicreques sobre a paz

A Guarda continua co seu outono teatral no Centro Cultural. Desta vez, será unha obra dirixida ao público infantil (+6 anos). A obra comezará ás 18:00 horas este sábado 16 no Centro Cultural.

“A Teteira de Kabul” da compañía Xarope Tulú fala sobre o valor da paz. A súa protagonista, Mina, é unha nena afgá que ten que abandonar o seu fogar como consecuencia da guerra. Ela e a súa familia emprenden unha longa viaxe na que a pesar das duras condicións irán descubrindo a beleza do tránsito grazas ás historias que lle conta súa nai e que ela garda nunha teteira.

Trátase dunha obra de obxectos e monicreques, que chegou a finalista a mellor proposta de monicreques nos Premios María Casares 2024.