ORPAGU e o Concello da Guarda recuperan a “Festa do Peixe Espada”
A Organización de Palangreros Guardeses e o Concello da Guarda recuperan a “Festa do Peixe Espada” que dende o ano 2008 deixou de celebrarse
Na reunión mantida esta mañá entre o presidente de ORPAGU Joaquín Cadilli, a xerente, Juana Parada, o alcalde da Guarda, Antonio Lomba e a Concelleira de Turismo, Montserrat Magallanes, déronse os primeiros pasos para buscar una data no calendario e comezar a estruturar a organización da festa.
Para o presidente de ORPAGU, Joaquín Cadilla, “é importante recuperar esta festa e promocionar un dos produtos de pesca dos barcos da Guarda. Contar coa axuda do Concello é, ademais, una vantaxe porque a festa do Peixe Espada implica una labor organizativa e financeira moi complexa”.
Os principais obxectivos desta festa son promocionar os produtos da pesca de palangre, como o é o peixe espada, e o potencial turístico da localidade, ademais de exaltar o bo nome dos hostaleiros da Guarda e o exquisito gusto dos seus pratos.
O alcalde da Guarda, Antonio Lomba, destaca a importancia de traballar en equipo cos principais motores económicos da localidade. “O sector turístico-hostaleiro e o sector pesqueiro son os principais impulsores da economía local polo que é vital que, co apoio do Concello, pódanse sacar adiante iniciativas que atraian visitantes e promocionen os recursos da Guarda”, comentou Lomba.
