Recepción Oficial do Mecalia Atl. Guardés na Guarda

O venres 27 de xullo de 2018 realizouse no Salón de Plenos do Concello da Guarda unha recepción oficial ás xogadoras da novo plantel do Mecalia Atl. Guardés para a tempada 2018-2019.

Esta recepción faise co obxectivo de dar os parabéns ao equipo que quedou de subcampión da liga, empatado a puntos co primeiro, toda unha honra ao mérito deportivo para a vila da Guarda.

No acto interviron o Alcalde da Guarda, Antonio Lomba, o Concelleiro de Deportes, Xavier Crespo, a Concelleira de Cultura, Elena Baz, así coma o Presidente do Clube, José Manuel Silva e a Capitana do equipo, Estela Doiro.

Antonio Lomba destacou a traxectoria deste clube de balonmán feminino local, que leva o nome da Guarda ben alto alí onde compite, loando o subcampionato acadado a pasada tempada, así coma o campionato da anterior, unha xesta deportiva que ben merece un recoñecemento, e engadiu que “Agardo que esta nova tempada sexa igual ou mellor que a anterior, os vosos éxitos son os nosos éxitos” .

Xavier Crespo motivou as xogadoras, dando a benvida ás novas incorporacións nesta tempada, animando a traballar en conxunto para voltar a estar no alto da tabla clasificatoria.

Estela Doiro, capitana do equipo agradeceu esta recepción, agardando poder gozar e festexar novamente os éxitos deportivos na Guarda.

Dende o Concello da Guarda se fixo un agasallo ao clube, agardando que esta nova tempada estea chea de éxitos e satisfaccións deportivas.

Aproveitouse a ocasión para realizar a sinatura do convenio entre esta entidade deportiva e o Concello da Guarda para subvencionar a súa actividade deportiva.