“Suelo empresarial del atlántico” acorda co alcalde da Guarda retomar o estudo para un polígono compartido co Rosal que atraia inversións do sur de Galicia e a zona norte de Portugal

• A Xerente de “Suelo Empresarial del Atlántico” (SEA), Beatriz Sestayo, abordou co alcalde da Guarda, Antonio Lomba, as posibilidades de impulso do polígono, nunha área supramunicipal que implicaría tamén ao Rosal.

• Beatriz Sestayo informou que “SEA” xa dispón dun proxecto sectorial e dunha parte dos terreos necesarios, adquiridos cando se plantexou a área empresarial no 2004.

• “Suelo Empresarial del Atlántico” realizará a actualización do proxecto sectorial e unha taxación do prezo do chan, para concretar se o parque empresarial é viable.

“Suelo Empresarial del Atlántico”, (SEA), organismo dependente do Ministerio de Transportes a través de Sepes, analizou co Concello da Guarda a posibilidade de retomar o estudo e análise dun posible polígono supramunicipal que atraia actividade económica xeradora de emprego da zona sur de Galicia e do norte de Portugal.
Así o manifestou a xerente de SEA, Beatriz Sestayo, na reunión telemática que mantivo co alcalde da Guarda, Antonio Lomba. De forma concreta, a xerente e o rexidor da Guarda acordaron que SEA iniciará a análise e o estudo dun posible polígono compartido entre A Guarda e O Rosal, que podería contar cunha superficie superior aos 270.000 metros cadrados.
“É un sitio que, de ser viable económicamente, é moi interesante dende o punto de vista económico e industrial, xa que podería atraer proxectos xeradores de emprego tanto do sur de Galicia como do norte de Portugal”, destacou Beatriz Sestayo.
O proxecto xa se plantexara no 2004 pero quedou en suspenso posteriormente. Pese a isto, SEA posúe en propiedade unha bolsa de chan con parte dos terreos necesarios para o desenrolo deste polígono e xa conta co proxecto sectorial.
Por elo, Beatriz Sestayo comprometeuse co alcalde a estudar a posibilidade de acometer este proxecto para o que, en primeiro lugar, se ten recuperado xa o proxecto sectorial e SEA vai a proceder a súa actualización. En paralelo, realizarase unha taxación do prezo do chan co que conta a entidade.
Beatriz Sestayo tamén acordou con Antonio Lomba que, unha vez que se analicen os posibles custos, realizará unha visita á Guarda nas próximas semanas para abordar de forma persoal as posibilidades do proxecto.
Antonio Lomba, pola súa parte, puxo en valor a zona estratéxica na que se emprazaría o parque empresarial, se ben lamentou o retraso da Autovía Tui-A Guarda.
“Levamos case 20 anos perdendo oportunidades de implantación de empresas na comarca do Baixo Miño por causa de non dispor de chan empresarial e polo retraso na construción da Autovía Tui-A Guarda. Ter unha comarca ben comunicada e dispor de chan empresarial son elementos estratéxicos para desenrolo futuro desta comarca transfronteiriza”, explicou o rexidor.

“SUELO EMPRESARIAL DEL ATLÁNTICO”

“Suelo Empresarial del Atlántico”, S.L., S.M.E., é unha sociedade que está participada nun 83,44% polo Ministerio de Transportes, Movilidad y Agenda Urbana, a través de Sepes; nun 15,91% pola Xunta de Galicia, e nun 1,65% por ABANCA e creada co obxectivo de desenrolar e comercializar parques empresarias en Galicia.

“Suelo Empresarial del Atlántico” xestiona 13 parques empresariais en Galicia, que suman máis de 4 millóns de metros cadrados, situados nas provincias de Lugo –Monforte de Lemos, Mondoñedo, Chantada e Rábade—, de A Coruña –Malpica, Vimianzo, Cee, A Laracha, A Pobra do Caramiñal, Muros e Rianxo— e de Pontevedra –Vilanova de Arousa e Catoira-.