Suspensión da tramitación do procedemento de licitación en curso para a contratación do suministro dunha varredora para o Concello da Guarda
DECRETO 0734/2016
RESOLUCIÓN DA ALCADÍA DE 10 DE OUTUBRO DE 2016
Visto expediente en trámite para a contratación do suministro dunha varredora para o Concello da Guarda, iniciado por medio de Decreto 0564/2016, aprobando o prego de cláusulas administrativas e técnicas, así como convocando a licitación por procedemento aberto con varios criterios de valoración.
En data 05.10.2016 ( R.E. nº 6337) ten entrada no rexistro municipal recurso especial en materia de contratación, por parte da empresa DARLIM,SL., formulado contra o prego de prescricións técnicas da citada licitación, por considerar que están en contra do disposto no artigo 117 do T.R.L 3/2011
Visto o disposto nos artigo 40 e ss do T.R.L 3/2011, que atribúe ao Tribunal Administrativo de Recursos Contractuales do Ministerio de Hacienda a competencia para a resolución destes recursos, (a Xunta de Galicia non ten tribunal propio senón que ten convenio de delegación de competencias e colaboración co tribunal central sito en Madrid), e recibidas instrucións de actuación para a resolución do recurso, en uso das facultades atribuídas a esta Alcaldía polo artigo 21.1. da Lei 7/1985, de 2 de abril, reguladora de Bases de Réxime Local, e tendo en conta a lei 30/92 de RXAP-PAC, RESOLVO:
PRIMEIRO: Suspender a tramitación do procedemento de licitación en curso para a contratación do suministro dunha varredora para o Concello da Guarda ata que recaia resolución do recurso formulado por parte do Tribunal Administrativo de Recursos Contractuais.
SEGUNDO: Ordenar á Secretaria do Concello que emita informe respecto do recurso para a súa remisión, xunto con todo o expediente, escaneado, ao Tribunal Administrativo de Recursos Contractuais.
TERCEIRO: Ordenar a remisión do expediente completo ao tribunal e a publicación dun anuncio desta suspensión no perfil do contratante municipal.
CUARTO: Dar conta ao Pleno na primeira sesión ordinaria que celebre, e notificar expresamente os interesados.
A Guarda, 10 de outubro de 2016.
O Alcalde
Antonio Lomba Baz
