www.turismoaguarda.es é a nova páxina web de turismo da Guarda
Onte, 20 de xullo, tivo lugar a presentación da nova web de turismo da Guarda no Centro de Interpretación das Fortalezas situado no interior do Castelo de Santa Cruz.
Onte, 20 de xullo, tivo lugar a presentación da nova web de turismo da Guarda no Centro de Interpretación das Fortalezas situado no interior do Castelo de Santa Cruz.
O acto comezou coas palabras de Montserrat Magallanes, Concelleira de turismo, quen fixo fincapé na importancia da contar cunha web específica de turismo xa que a existente atopábase desfasada. “Por fin, o nosa localidade conta cunha páxina que se abre ó mundo e que mostra a noso pobo”. A Concelleira incidiu na implicación do equipo de traballo para que esta páxina web fose unha realidade.“Esta nova web converterase nunha ferramenta esencial para promocionar a vila e que suporá unha gran mellora para os sectores implicados no turismo como restaurantes e empresas de aloxamento.” Finalizou indicando que “a data de hoxe é moi importante xa que supón un paso importante de cara a difusión da localidade no exterior e que agora queda o traballo de difundila e dala a coñecer.”
A continuación, Antonio Lomba, Alcalde da Guarda, comezou a súa quenda con “este momento o defino como a botadura dun barco, é dicir, hoxe presentamos a páxina web conscientes que aínda hai melloras a realizar, estamos na fase de proba”. “Hoxe presentamos a páxina web na que continuaremos traballando, facendo melloras e ampliando contidos”. Na súa intervención realizou unha descrición das características e apartados da nova web que se podería definir como unha páxina con moita información pero que é moi visual grazas a gran cantidade de fotografías. Máis de 160 fotos, das cales 60 son panorámicas e moitas son inéditas. Algúns dos colaboradores gráficos que cederon fotos son Emilio Baz, Marius Kraja, Luis Rodríguez, Carlos Troncoso entre outros.
O alcalde foi o coordinador e agradeceu publicamente a implicación do equipo de traballo polo compromiso e dedicación no proxecto. Este equipo está composto por Rosalía Verde, técnico de turismo; José David Flores, técnico de informática; Javier Crespo, Concelleiro de Patrimonio, e Luis Eduardo Castro, da empresa local EcDesing.
Como peche do acto presentouse en primicia o novo vídeo turístico da Guarda de 3 minutos de duración. No vídeo pódense observar en plenitude as espectaculares panorámicas do paisaxe e patrimonio do noso Concello e que amosan os cambios que se foron producindo nos últimos anos. A páxina web de turismo conta cun fragmento deste vídeo de 30 segundos na páxina de inicio.
Os convidados á acto manifestaron o seu agrado e satisfacción por contar con esta nova ferramenta, persoas que traballan en sectores vinculados co turismo.
