Apertura do prazo de inscrición para os obradoiros infantís de decoración “Nadal dos nenos”
Un dos principais atractivos do Nadal, en especial para os máis cativos da casa, é sen dúbida a decoración típica que embelece as casas e rúas da vila. Por este motivo, dende a Concellería de Cultura da Guarda búscase implicar ós nenos e nenas guardeses na decoración da vila.
Un dos principais atractivos do Nadal, en especial para os máis cativos da casa, é sen dúbida a decoración típica que embelece as casas e rúas da vila. Por este motivo, dende a Concellería de Cultura da Guarda búscase implicar ós nenos e nenas guardeses na decoración da vila.
Para isto, dende o concello organízanse no vindeiro mes de decembro tres obradoiros infantís de decoración de Nadal, dirixidos a nenos e nenas entre 4 e 12 anos. Nos tres casos o lugar no que se levará a cabo é a Casa dos Alonsos, de 11’30 a 13’30 horas.
O primeiro se realizará o sábado 10 de decembro e leva por título “Decora o teu Concello”. O seguinte, “Decora a Praza de Abastos”, xa terá lugar en plenas vacacións escolares de Nadal, o xoves 22. Por último, o terceiro será o obradoiro “Decora a Recepción Real” e se levará a cabo o mércores 28 de decembro, como preparación á chegada dos Reis Magos.
O prazo de inscrición comeza este venres 25 de novembro e se prolongará ata o vindeiro mércores 7 de decembro. Para inscribirse poden facelo achegándose pola mañá, de luns a venres, ao Departamento de Cultura do concello da Guarda ou a través do e-mail cultura@aguarda.es
