A Guarda celebra a V Mostra Asociativa para dar visibilidade o seu labor

A Guarda celebra a V Mostra Asociativa o próximo sábado 14 de setembro na Praza Avelino Vicente co obxectivo de ter unha xornada en que a cidadanía coñeza o labor destas asociacións.

Para isto, cada unha das asociacións terá un stand, pero tamén realizarán obradoiros, xogos e actividades deportivas para participar nas diferentes actividades que ofrecen nas asociacións. Ademais haberá exposicións dos diferentes traballos da rede asociativa,

Os stands abrirán ás 15:30 horas e unha hora máis tarde dará comezo o reto asociativo, un skeirrum, que promete ser unha das actividades estrela da tarde e cuxos participantes terán un agasallo final se realizan o reto completo.

Tamén haberá música durante a tarde a cargo de Vento Mareiro para rematar a Mostra co concerto de Bieito Solo ás 20:30 horas.

En total, máis de 15 asociacións participarán nesta edición da Mostra Asociativa, con gran variedade de tipoloxía das mesmas, desde entidades solidarias ata deportivas, pasando por festivas e ecoloxistas.