A Guarda despedirá o ano 2016 cun Chapuzón Navideño

O ano 2016 está a piques de rematar e dende o concello da Guarda convidan a todos os veciños e veciñas a despedilo dun xeito orixinal e por todo o alto.

O ano 2016 está a piques de rematar e dende o concello da Guarda convidan a todos os veciños e veciñas a despedilo dun xeito orixinal e por todo o alto.

Con este obxectivo organízase dende o Departamento de Deportes do concello, coa colaboración de Transgalaica, o evento Chapuzón Navideño. Esta actividade de balde terá lugar o día 31 de decembro na Piscina Municipal dende as 11 ás 12’30 horas da mañá.

Esta será unha ocasión perfecta para desfrutar dunha mañá en familia antes das celebracións de Fin de Ano. Na Piscina Municipal haberá un inchable acuático e realizaranse diversos xogos que amenizarán a mañá a todos os asistentes.

Dende o concello anímase ás familias da vila a acudir á Piscina Municipal para así pasar xuntos a mañá do día 31 de decembro co Chapuzón Navideño.