Representación da obra “Pementeiras” este sábado no Centro Cultural da Guarda
Dentro das actividades de conmemoración do Día Internacional contra a Violencia de Xénero, que tivo lugar o 25 de novembro, o Centro de Información ás Mulleres da Guarda organiza este sábado 3 de decembro, no Centro Cultural ás 20’30 horas, a representación da obra de teatro “Pementeiras”.
Dentro das actividades de conmemoración do Día Internacional contra a Violencia de Xénero, que tivo lugar o 25 de novembro, o Centro de Información ás Mulleres da Guarda organiza este sábado 3 de decembro, no Centro Cultural ás 20’30 horas, a representación da obra de teatro “Pementeiras”.
Esta obra conta unha historia de empoderamento feminino, creada pola compañía Xoré Teatro, está contextualizada e inspirada no traballo das mulleres pementeiras de Herbón (Padrón – A Coruña) que aínda que desempeñan un papel fundamental no referente o traballo de produción e distribución deste produto, seguen a sufrir a brecha na representación da valoración do seu traballo. A obra é de balde e a recollida dos tickets se fará no Centro Cultural ou no Centro de Información ás Mulleres xunto ó Xulgado de Paz.
Con esta programación de actividades o Concello da Guarda súmase á celebración do Día contra a Violencia de Xénero e dende Concello da Guarda e o Centro de Información á Muller maniféstase a máis absoluta e enérxica condena ante as inadmisibles situacións de violencia que, aínda que pareza inconcebible, se seguen a producir.
A violencia de xénero constitúe unha lacra de carácter mundial, un atentado contra os dereitos humanos e a dignidade das persoas que impiden á nosa sociedade continuar avanzando. A loita contra a violencia é unha tarefa común, hai que aunar esforzos e compromisos, se queremos que a violencia de xénero desapareza.
