A Guarda programa a terceira edición do Ciclo Medioambiental “Sostendo o futuro”

• Conta cun total de 4 actividades programadas para os meses de xuño e xullo.

O Concello da Guarda arranca no mes de xuño a segunda edición do ciclo “Sostendo o Futuro”, actividades coa finalidade de tomar conciencia en torno aos valores de sostebilidade e coidado da nosa contorna. Para este fin escolléronse 4 actividades de diferente natureza que nos axuden a preguntarnos, dende diferentes posicións, sobre o noso día a día e a consecuencia de accións cotiás e insignificantes aparentemente.

As actividades arrancan o 5 de xuño co Plogging, coincidindo co día do Medo Ambiente, que terá lugar con diferentes centro educativos da vila e no cal o alumnado participará na recollida de lixo, ben correndo ou andando, por diferentes espazos da nosa contorna.

O 23 de xuño realizaranse os Obradoiros “As abellas e as aromáticas”, especialmente dedicados a crianzas de entre 3 e 12 anos, que cunha duración aproximada de dúas horas realizaranse no Castelo de Santa Cruz ás 19:30h.

Xa no mes de xullo, o  día 9, terán lugar os “Baños en natureza”, unha actividade para adultos e crianzas cunha duración aproximada de hora e media que terán lugar no Monte Santa Trega ás 18:30h.

Tamén en xullo, o día 21, realizarase na Xunqueira de Salcidos a actividade “Bolboretas nocturnas”, unha actividade cunha duración aproximada de entre tres e catro horas que arrancará ás 21:15h.

Dende a Concellería de Medio Ambiente do Concello da Guarda convídase a toda a cidadanía a participar nestas actividades programadas baixo a segunda edición de “Sostendo o futuro”.