Festival de música e baile para festexar o Día das Letras Galegas na Guarda

O mércores 17 de maio ás 19h. No Auditorio de San Benito celebrarase na Guarda o tradicional Festival de música e baile, no que as diferentes asociacións da Guarda renderán tributo ao autor homenaxeado este ano.

Contará coa presenza da Agrupación Cultural Guardesa, quen abrirá o acto lembrando a figura de Francisco Fernández del Riego a través dunha reseña sobre a súa vida adicada a difusión das nosas letras e a nosa lingua. A Continuación intervirán os diferentes grupos de música e baile tradicional como o Grupo de gaitas da Terceira Idade, o Grupo de Baile Xamaraina, Grupo de Pandereteiras Vento Mareiro, A Boalleira, Trebón dos Xidos e os grupos de baile Na ribeira do Miño (CEIP A Sangriña), Anduriñas (CEIP As Solanas) e Churumbela.  Todos eles terán tamén ocasión de lembrar a memoria do autor homenaxeado a través de pequenas lecturas da súa obra.

Ademais da realización do Festival, a celebración das Letras Galegas complementarase co Contacontos a cargo de Polo correo do vento “Un día para as Letras. Pequena biografía de Francisco Fernández del Riego”, organizado polo Departamento de Lingua da Deputación de Pontevedra nunha data de realización pendente de confirmar.

FICHA-RESUMO DAS ACTIVIDADE

ACTIVIDADE: Festival polas Letras Galegas

LUGAR:  Auditorio de San Benito

DATA: 17 de Maio de 2023

HORA: 19:00h.

ACCESO: DE BALDE, sen inscrición previa. Tódolos públicos

ORGANIZA: Concello da Guarda en colaboración coas asociacións participantes

ACTIVIDADE: Un día para as Letras. Pequena biografía de Francisco Fernández del Riego”

LUGAR:  Biblioteca Municipal

DATA:  Pendente de confirmación por Deputación

ORGANIZA:  Deputación de Pontevedra. Vicepresidencia

ACCESO: DE BALDE ata cubrir aforo.