A Guarda recuperou a normalidade tras máis de 18 horas de apagón

A Guarda viviu o apagón desde as 12:30h da mañá e desde o momento en que se tuvo coñecemento da situación a nivel nacional, o alcalde e o goberno da Guarda, xunto coas forzas de seguridade e corpos de emerxencias comenzaron a traballar en coordinación.

Ás 18:45h da tarde perdeuse a comunicación telefónica no municipio de xeito xeneralizado, complicando a situación para pór en coñecemento situacións de emerxencias ou decisións que se tomaran a nivel autonómico ou nacional.

Durante a tarde, o alcalde e voluntarios de Protección Civil repartiron catro xeneradores, dos cales algúns foron doados por guardeses. Un dos xeneradores deu servizo ao PAC da Guarda, para garantir a asistencia sanitaria á vila. “É de salientar a solidariedade dos guardeses e guardesas en situación de necesidade, pois algúns nos cederon xeneradores para que otros veciños e veciñas con problemas respiratorios tiveran electricidade”, resaltaba o alcalde, Roberto Carrero.

Dada a dificultade de conexión do GES e da Guardia Civil coa sede, pediuse á cidadanía que comunicaran as súas emerxencias de xeito presencial, ademais de que se fixera un uso responsable da auga para sempre ter os depósitos a disposición das emerxencias.

Cara ás 23h, a Policía Local, Guardia Civil, voluntarios de Protección Civil, o GES da Guarda e o alcalde e membros do goberno da Guarda reuníronse na base do GES para facer fronte á noite e garantir a seguridade.

Neste senso, o alcalde salienta “o comportamento exemplar da cidadanía, salvo algún caso aillado”, xa que se produciron queimas de contedores na rúa Tranversal Candeira e no Pirúm (rúa A Cal).

A electricidade recuperouse pola mañá arredor das 6:50, así como a cobertura telefónica, aínda que con certos problemas de conexión ocasionais. Por iso, os servizos municipais aínda se atoparon bloqueados coa caída do sistema ata as 13horas.

“Agradezo profundamente o esforzo dos corpos de seguridade e emerxencia, que dobraron os seus esforzos, e aos veciños que nos ofreceron a súa axuda e colaboración”, di o alcalde da Guarda.