A Guarda segue apostando pola arte ó aire libre e estrea novo mural da man da ilustradora e muralista Tamara Baz.

MURAL “ALICERCE GUARDÉS”

A pintura con máis de 200m2 intervidos no muro exterior do Estadio de Fútbol Municipal “A Sangriña” (Avenida Paseo de Portugal) da a benvida ós peregrinos que chegan á vila dende Portugal e acompaña a tantas veciñas e veciños que acostuman a pasear arredor do monte Trega e en especial aqueles que empregan estas instalacións deportivas.

Esta intervención fíxose posible gracias á financiación do Plan Concellos da Deputación de Pontevedra 2023

Dende o punto de vista conceptual afrontouse o deseño dende dous liñas de traballo diferenciadas pola propia morfoloxía do muro. Por unha banda adicouse a área da entrada ó ámbito futbolístico destancando os valores positivos intrínsecos deste deporte: compañeirismo, esforzo, superación, … salientando a integración, o respecto e igualdade, como ben leva dando exemplo a equipa feminina guardesa que comenzou a súa andaina xa en 1996. A gama cromática empregada neste primer tramo en especial a cor amarela fan un guiño o equipo local.

A segunda parte da intervención fálanos do propio pobo pondo en valor a súa orixe e tradición. Empréganse as cores turquesas, azuis e verdes que falan da natureza da contorna misturadas con elementos do propio patrimonio. As figuras ilustradas amosan a nosa tradición a través de elementos mariñeiros autóctonos como as máns dunha redeira ou as señoras con pano cargando as cestolas de argazo ou peixe. Outra das figuras, un neno que leva o popular Piueiro nos brazos, está inspirado na icónica imaxe do fotógrafo alaricano José Suarez finado precisamente na Guarda.

SOBRE A ARTISTA – TAMARA BAZ

Ilustradora e muralista guardesa con máis de 15 anos de experiencia no sector gráfico. Comeza a sua carreira como deseñadora gráfica durante 7 anos nun estudio de deseño multidisciplinar para despois dar o salto ó mundo freelance, onde combina proxectos de ilustración e muralismo.

Realizou intervencións murales con pintura plástica e spray en diferentes festivais de arte urbana como “Vigo Cidade de Cor” 2020, “Elas tamén pintan” 2021 (Compostela), “Improvisdado” 2021,”Delasfest” 2022 (Compostela),“Cíes Talent” 22 (Navia) ou “ViolenciaZero” 2023.

O seu traballo publicouse en “Flamantes. Libro de Artistas” e no recopilatorio de ilustradoras “Creativas Galegas” ademáis de ser unha das artistas convidadas na exposición «1984, Unha xenealoxía feminista da arte urbana galega» no Auditorio de Galicia (Compostela).