A partir do luns ábrese o prazo de inscrición para o resto de andainas por Pontevedra

Durante a primavera tiveron lugar as dúas primeiras andainas pola provincia de Pontevedra organizadas pola Concellería de Eventos Deportivos da Guarda.

Despois do descanso do verán retómase coa saída do sábado 28 setembro polo interior cunha nova ruta do río Xabriña en Mondariz e pecharase o 19 outubro co Camiño de Taverneiro en Pazos de Borbén.

Esta actividade organizase cun autocar para o traslado dos participantes e con guías interpretativos da natureza que acompañarán ao grupo. A distancia destas rutas rondan entre os 10 e 15 km polo que as persoas interesadas deberán atoparse en condicións físicas adecuadas para realizar andainas duns 15 km e con certa dificultade polo desnivel.

O luns 2 de setembro abre o prazo de inscrición para completar as prazas aínda dispoñibles para estas dúas andainas de outono. O prezo público de cada andaina é de 17€ por persoa.

Máis información e inscrición na Casa dos Alonso (terceira planta) ou a través do mail turismo@aguarda.es ou no tel. 986614546, aínda que se priorizará a inscrición presencial.