ADOS busca amigos invisibles a través das doazóns de sangue

A unidade móbil da Axencia de Doazón de Órganos e Sangue fai a súa primeira visita do ano 2025. Dentro da súa campaña de “Amigos invisibles” recorda o regalo que supoñen as doazóns de sangue para máis de 450 persoas cada día.

A unidade móbil estará o venres 3 de xaneiro de 10:15 a 14:00 horas en horario de mañá, e de 16:30 a 21:00 horas, en horario de tarde. O sábado 4 de xaneiro poderase doar pola mañá de 10:15 a 14:30 horas.

Como é habitual, o autobús situarase na rúa Rosalía de Castro, diante do Centro Cultural. Recordade que hai uns requisitos mínimos, como ser maior de idade e pesar máis de 50 kg.