Comeza na Guarda o proxecto TENACT no que se desenvolven materiais pedagóxicos innovadores para traballar sobre temas medio ambientais a través do teatro

O proxecto TENACT (Teatro para a Acción Climática) é unha asociación de cooperación no ámbito da mocidade financiada polo programa Erasmus+ da Unión Europea cun financiamento de 148.000€.
Este proxecto reúne a 3 organizacións de teatro xuvenil para crear estes materiais. BeyondBühne (Austria) e FOCO (España) dirixirán o proxecto, coa axuda de Crooked House (Irlanda). Neste proxecto ademais colabora o Concello da Guarda na implementación das actividades locais que facilitará FOCO.
Co proxecto TENACT abordaremos o crecente problema do cambio climático e toda a confusión e as facetas públicas e individuais que conleva. Este problema debe afrontarse aplicando métodos educativos innovadores, como o teatro.
Na situación actual, na que a loita contra o cambio climático debe ser abordada por toda a sociedade e en cada un dos seus ámbitos, o traballo cos mozos en xeral e a animación teatral en particular deben empezar a abordar directamente a concienciación ambiental en lugar de deixar esta tarefa só en mans dos educadores ambientais.
O resultado deste proxecto será 1) crear unha caixa de ferramentas pedagóxicas con actividades e propostas de obradoiros teatrais sobre temas ambientais que poidan incluírse nun mínimo de 10 talleres completos dunha duración de 2/3 horas; 2) crear unha guía sobre como idear obras de teatro sobre temas ambientais cos mozos e; 3) producir unha estrutura e un esquema de Formación de Formadores.
Con este proxecto, no que colabora o Concello da Guarda, queremos potenciar un marco común europeo para a realización de actividades e programas teatrais dentro das prácticas cotiás do traballo con mozos e mozas e fortalecer a nosa rede de organizacións xuvenís a nivel internacional.