Exposición de Fotografía “Mirando A Guarda” na Praza do Reló

Xa se poden admirar na Praza do Reló as fotografías finalistas do I Concurso de Fotografía Mirando A Guarda.

Son un total de 15 fotografías, cinco para cada categoría de participación: Costiña para as fotografías en Branco e Negro; Mazaracos para as fotografías de paisaxes ou localizacións da Guarda e Libertimaxe, categoría con temáticas e técnicas libres , permitindo a fotomontaxe. As fotografías permanecerán na Praza do Reló durante todo o mes de agosto.

No Concurso de fotografía, que se realizou por primeira vez neste 2024 durante os meses de maio e xuño, presentáronse un centenar de fotos dun total de corenta e un participantes de toda España. Agradecemos o interese e esforzo demostrado por tódolos participantes.