As inscricións no Trofeo de Volei Praia da Guarda na categoría amateur estarán abertas ata o venres

Este fin de semana celébrase unha nova edición do Trofeo Concello da Guarda de Volei Praia no areal do Codesal, con categorías amateur e senior. Esta última, dirixida a equipos federados, puntuará para o Campionato Galego de Volei Praia Senior. O período de inscricións para esta categoría xa se atopa pechado, mais aqueles que desexen participar no torneo na condición de amateurs este domingo, poderán inscribirse ata ás 14.00 horas do venres, previo rexistro  na páxina www.verandeportivo.com.

Ampliase, así, o prazo de anotacións, co fin de facilitar a participación dos aficionados, que poderán consultar as condicións para das inscricións na páxina web arriba indicada. Así mesmo, poderán dirixir as súas dúbidas ó teléfono 607 877 995 ou ó correo electrónico deporte@aguarda.es.

O campionato, que conta co financiamento da Deputación de Pontevedra con cargo ó Plan Concellos 2017, celebrarase este sábado e domingo, 22 e 23 de xullo. Os competidores na categoría senior serán os encargados de inaugurar o trofeo o sábado ás 10:00, poñendo fin a súa primeira xornada ás 21.00 horas. O domingo, entre as 10:00 e as 20:00 horas, continuará o campionato galego, coincidindo coa celebración dos partidos dos equipos amateur.