Máis de 300 escolares acudiron hoxe á exhibición de medios da Guardia Civil

Máis de 300 escolares guardeses acudiron hoxe á exhibición de medios materiais da Guardia Civil. Ao campo de fútbol da Sangriña achegáronse esta mañá alumnos e alumnas dos seis centros escolares de 5º e 6º de Educación Primaria, así como de 1º da ESO.

Ademais de vehículos, tamén se expuxo material das distintas unidades da Guardia Civil, como drons, chalecos, cascos, etc. Os rapaces e rapazas puideron probar e ver en funcionamento os vehículos, pero tamén ao dron, que causou gran expectación.

Deste xeito, os alumnos e alumnas coñeceron as distintas unidades da Guardia Civil e o acometido de cada unha delas, así como o material e a súa función.

O alcalde da Guarda cree que “é importante dar a coñecer aos nenos e nenas que a Guardia Civil está aí para ofrecerlle seguridade e protección, deixando o prexuízo que poidan ter de medo ou castigo”.

Esta actividade foi posible grazas á colaboración entre o Concello da Guarda e a comandancia da Guardia Civil de Pontevedra a través do seu Plan Director.