O Concello da Guarda recibe ós oito alumnos do IES A Sangriña gañadores do Rally Científico Matemático celebrado en Toulouse
Os rapaces teñen entre 12 e 13 anos.
O alcalde da Guarda, Antonio Lomba, xunto a Concelleira de Educación, Elena Baz, recibiron esta mañá, no Salón de Plenos do Concello, ós oito alumnos do IES A Sangriña que resultaron gañadores no Rally Científico Matemático celebrado en Touluse. Os nenos e nenas de entre 12 e 13 anos, acompañados polas súas familias e por Carmen López, en representación do departamento de matemáticas do instituto,e o equipo directivo do mesmo, recibiron a noraboa por parte do Concello.
Antonio Lomba, quixo felicitar tanto os rapaces e rapazas polo seu primeiro posto no certame, coma o departamento que os acompañou nesta aventura. “Quero darvos a noraboa e recoñecer a labor de representación da nosa vila nas probas que pasástedes, tanto en Santiago, como, por suposto en Touluse”, dixo o alcalde. Ademais, Lomba, mestre de profesión, bromeu con eles avisándolles de que tras este éxito xa non poden baixar o nivel nas súas notas.
Carmen López, non dudou en felicitar ós rapaces e falar da ilusión posta polos nenos e nenas neste certame. Ademais quixo agradecer a axuda tanto do Concello como do veciños e veciñas da Guarda, para poder facer posible este certame.
Tras as palabras, tanto Antonio Lomba coma Elena Baz fixeron entrega de diferentes agasallos ós nenos e nenas e tamén ó instituto. Iago Álvarez, Alex Fernández, Nahir Álvarez, Sarai Alfonso, Yoel Cardoso, Valeria Baz, Nayara Diego e Lucía Lorenzo se foron a casa có recoñecemento do Concello e cun libro de fotografía, outro de manualidades, postais, e un chaveiro. Carmen López recolleu, en representación do instituto, un agasallo conmemorativo que representa o Castelo de Santa Cruz e tamén varios lotes de libros.
