O Concello prepara un novo campamento Conciliaguarda para esta Semana Santa

O Concello da Guarda organiza para estas vacacións escolares de Semana Santa un campamento cheo de actividades. Estes obradoiros de ocio e lecer son gratuítos e teñen como obxectivo facilitar a conciliación da vida persoal e laboral no período non lectivo.

O campamento desenvolverase durante os días 14,15,16 e 21 de abril de 9:00 a 14:00h, aínda que a xornada pode estenderse de 8:30 a 14:30 para as familias que así o soliciten.

A partir do luns 24 pódense solicitar algunhas das 30 prazas ofertadas para crianzas escolarizadas de 3 a 10 anos, empadroadas no Concello da Guarda.

Para inscribirse hai que encher a Ficha Inscrición SEMANA SANTA e entregala no Rexistro de xeito presencial, ou a través da sede electrónica xunto unha instancia xeral. O prazo pecharase o 3 de abril.

A listaxe de persoas admitidas será publicado na web do Concello e aparecerá codificado co número de rexistro da solicitude, polo que resulta importante conservar o comprobante da presentación da mesma.

De superar o límite de prazas, realizarase un sorteo público o día 8 de abril ás 9:00h na Casa dos Alonso. En caso de prazas vacantes, poderán participar crianzas doutros concellos.

Esta actividade está financiada con cargo aos créditos da Consellería de Política Social e Igualdade e polo Ministerio de Igualdade.

Máis información en informacion@aguarda.es e na OMIX do Concello da Guarda