O DELEGADO TERRITORIAL DA XUNTA, JOSÉ MANUEL CORES TOURÍS E A DIRECTORA XERAL DE COMERCIO, SOL MARÍA VÁZQUEZ, VISITARON, XUNTO O ALCALDE DA GUARDA, ANTONIO LOMBA, A PRAZA DE ABASTOS
O delegado Territorial da Xunta en Pontevedra, José Manuel Cores Tourís e a Directora Xeral de Comercio, Sol María Vázquez, visitaron, xunto o alcalde da Guarda, Antonio Lomba, a Praza de Abastos.
Neste encontro tamén estiveron presentes a Concelleira de Comercio, Montserrat Magallanes, o Concelleiro de Vías e Obras, Miguel A. Español e a portavoz do PP, Conchi Ortega.
O motivo desta visita, tal e como declarou, Sol María Vázquez, foi coñecer de primeira man ós traballos de reforma que comezarán nos próximos días na Praza de Abastos. Estas obras reformarán a primeira planta da praza. Así, está previsto colocar un chan novo, quitar a bancada que está no centro da planta e colocar uns postos de aceiro movibles, unificar a vista dos diferentes postos e crear un espazo para a limpeza do pescado.
Nesta praza, xa fai dous anos, reformouse a primeira planta. Espazo onde están os postos de carnicería e legumes.
Estes traballos teñen un orzamento de máis de 128.000 euros, dos cales, o 70% están subvencionados pola Xunta de Galicia e os outr0 30% vén de parte do Concello.
Dentro desta partida, ademais, hai unha parte que está adicada á formación dos propios praceiros. Así, para a primeira semana de outubro, están programados uns cursos de mentoring e coaching para os traballadores da praza.
“Este edificio é histórico polo que precisa modernizarse”, afirmou o alcalde da Guarda, Antonio Lomba, tras a visita.
Ademais, Lomba, aproveitou a visita de Cores Tourís e de Sol María Vázquez para afirmar que son moitas máis as actuacións que precisa a Praza polo que espera que en vindeiros anos, dende a Xunta, continúen existindo estas partidas para conseguir remodelar e adecuar estes edificios. “Buscamos que a nosa Praza sexa atractiva tanto para os veciños da Guarda, coma para os nosos visitantes e por suposto para os praceiros”, afirmou o alcalde.
Así, tal e como xe dixo, as obras que se levarán a cabo neste edificio estarán consensuadas tanto cós traballadores da Praza coma cós usuarios da mesma.
