O Día do Libro centra as actividades desta semana na Guarda

• Contará coa presentación dunha novela histórica, contacontos infantil e desconto nas librerías durante o fin de semana.
• Dende o venres ata o domingo diferentes propostas conmemoran na vila da Guarda o Día do

A Guarda continúa coas celebracións do Mes do libro concentrando diversas propostas literarias e a campaña comercial a Ruta do Libro. Chegado a seu punto medio, nesta semana concéntranse diferentes propostas co que sen dúbida é o prato forte: o desconto do 10% na compra de libros durante o fin de semana. Coñezamos en detalle a programación de cada unha delas.

O Venres 21 de abril ás 20:30h. o escritor Samuel Ferro presentará no Centro Cultural o libro ““Tierra de leyenda I, El legado de Breogán”. Unha novela ambientada  na Galicia medieval que aborda as penurias de Martín, un rapaz de 1351 que se ve obrigado a sobrevivir como pode, e maiormente ao marxe da lei. Tui, Salvaterra e A Guarda serán lugares onde se centre parte da acción desta historia.

A mañá do sábado 22 estará adicada ás crianzas e familias co Contacontos “Lucinda e o inspector Vinagre”, ás 12:30h. Na Biblioteca Municipal. Un evento lúdico e de lecer que mediante a música, a danza, a manipulación de obxectos e a narración afondará nos valores e emocións relacionados coa flexibilidade, a tolerancia, a agresividade ou o amor. O espectáculo está pensado dende unha dimensión educativa e participativa na que se integra a toda a familia, as idades recomendadas para as crianzas é entre 3 e 7anos.

A actividade correrá a cargo de Maga de Voz, cooperativa liderada por Cristal Méndez e Paolo Rosi, que se ocupa do desenvolvemento e benestar das persoas a través das artes escénicas (música, danza, teatro), e que está especializada no canto moderno e na cantoterapia.

O Domingo 23 de abril ás 18:00h da tarde a Igrexa Parroquial acolle o concerto “Se cantas es ti que cantas…”, a cargo do coro Cantares de Brueiro capitaneado por Tino Baz e no que os asistentes poderán gozar dun concerto elaborado con moito agarimo e paixón. Neste concerto Cantares do Bueiro se centra na música tradicional popular galega, misturada con pezas propias e clásicas galegas de autores e autoras moi coñecidas por todos e todas, seguindo a liña marcada dende os seus inicios alá polo ano 2014.

Mais sen dúdiba o plato forte terá lugar durante todo o fin de semana, ao poder mercar os libros cun 10% de desconto mais d agasallo dunha rosa, tanto na xornada do sábado 22 o domingo 23.

Lembramos que a Ruta do Libro, coa que se pode conseguir unha bonita mochila de tela coa imaxe da campaña polo gasto de 30€ en libros, seguirá activa ata o 30 de abril. Dirixíndose os lectores ata a Biblioteca Municipal en horario de 17h. A 20h. De luns a venres, onde poderán canxear o seu ticket polo agasallo.