O festival “A Guarda Clásica” pecha a súa programación co quinteto de metais da Orquesta Vigo 430
O Centro Cultural de A Guarda acollerá o vindeiro sábado, 30 de maio de 2026, ás 20:00 horas, o concerto de clausura do Festival de Música A Guarda Clásica. Baixo o título “Horizontes Sonoros”, o Quinteto de Metais da Orquestra Vigo 430 ofrecerá un programa que percorre a gran tradición do repertorio para vento metal. A entrada é de balde ata completar o aforo.
A Orquestra Vigo 430 é unha formación musical profesional con sede en Vigo que reúne a destacados músicos galegos e intérpretes internacionais. O seu quinteto de metais —integrado por dúas trompetas, trompa, trombón e tuba— é unha das súas apostas máis destacadas no ámbito da música de cámara, combinando virtuosismo, riqueza tímbrica e una ampla diversidade estilística que abarca desde a polifonía rusa ata o folclore americano.
O programa do concerto inclúe obras de referencia da literatura para metais: A western Fanfare de Eric Ewazen (1997), Suite Americana de E. Crespo (1977), Suite – From the Monteregian Hills de Morley Calvert (1928-1991) e West Side Story de Leonard Bernstein (1957), arreglo de Jack Gal. Un percorrido que vai da celebración sonora á enerxía rítmica do bronce, nun formato próximo e accesible para todo o público.
Este concerto supón o broche de ouro dun festival que ao longo de tres sábados de maio trouxo ao Centro Cultural de A Guarda propostas de gran calidade: o dúo de saxofón e guitarra de Rafael Yebra e Oswaldo Oro o día 16, o concerto Haru no Umi. O mar en primavera de Zukhra Zeingaliyeva e Ilaria Vivan (frauta e arpa) o día 23, e agora o Quinteto de Metais da Vigo 430 como colofón da programación.
Esta actividade está financiada a través da Liña 2 do Plan + Provincia da Deputación de Pontevedra.
