O Nadal colle ritmo na Guarda con propostas de humor, música e decoración de Nadal

O espectáculo infantil Abracadáver e o Concerto de Panxoliñas na Igrexa Parroquial serán as citas principais do fin de semana

O Nadal avanza na vila da Guarda coa programación e a decoración das rúas. As principais citas de programación deste fin de semana están centrados na diversión das familias e no mantemento da tradición de Nadal:

• Sábado 16 de decembro ás 18h. No Centro Cultural

  Espectáculo infantil Abracadáver. Espectáculo de humor para desfacerse dos medos, no que Rogelio, un entrañable personaxe de ficción a través dos seus malabares, escapismo, rulo, acordeón, serrucho… darán forma a unha terapia de choque para partirse de risa e desfacerse dos medos, unha oportunidade para vivir a experiencia do teatro en familia.

• Domingo 17 de decembro ás 17h. Na Igrexa Parroquial

  Concerto de Panxoliñas , organizado pola Coral Polifónica da Guarda e coa participación dos coros Cantabile, do Club da Terceira Idade e Grupo Antorcha, na que repasarán diferentes temas de Nadal cun repertorio que vai dende os temas mais tradicionais ata os mais recentes.

Pero además desta programación pódense contemplar por toda a vila a decoración baseada en Contos de Nadal que, a cargo das diferentes asociacións e colectivos foron incorporándose esta semana aos lugares mais emblemáticos como Avelino Vicente, San Benito, Rúa Galicia, Praza da Guía, etc e que conforma a proposta Nadal nas Prazas.

Este percorrido pódese completar coa Ruta dos Belenes, que une todas aquelas iniciativas individuais que cada ano decoran escaparates e portais con Belenes moi completos e traballados dende a Rúa do Porto ata o Colexio dos Padres Somascos

Para saber mais da programación de Nadal podes consultar a axenda nos diferentes formatos:

• En papel, podes atopala nos edificios municipais e nos diferentes comercios
• Na nosa páxina web: https://www.aguarda.es/events/
• Na app para móviles que podes descargar en  Play Store ou  AppStore  escribindo:  ‘’municipio inteligente A Guarda’’.

RESUMO DA AXENDA: