A Feira do Emprego e Formación «Tecnoimaxín» contará con ponencias de especialistas do sector

A Guarda prepárase para acoller os días 25, 26 e 27 de outubro unhas xornadas de formación, empregabilidade e tecnoloxía baixo o proxecto «Tecnoimaxín», que traerá á Guarda a especialistas do sector, que falarán sobre todas as novidades e as súas experiencias no mundo empresarial.

O programa da Feira do Emprego e Formación «Tecnoimaxín» terá inicio na xornada do xoves 25 ás 10:00h, cun acto inaugural no que se contará coa asistencia do Delegado da Zona Franca de Vigo, David Regades; o Alcalde da Guarda, Antonio Lomba; a concelleira de Comercio, Montserrat Magallanes e demais convidados.

De seguido terá lugar o primeiro obradoiro sobre «Competencias emocionais para afrontar un futuro laboral dixitalizado» a cargo da Coach, formadora e Psicopedagoga Gema Sánchez- Cabezudo.

Xa pola tarde, ás 18:30h, Débora Ramonde, Directora de Zona Franca e Explotación Inmobiliaria de Vigo, falará sobre os Proxectos da Zona Franca de Vigo, interesantes iniciativas para o apoio aos emprendedores e a creación de novas empresas.

A continuación, dende ás 19:00h, Jaume Gurt, Director de Organización e Desenvolvemento de persoas Schibsted Spain, pechará esta primeira xornada cunha ponencia sobre «A felicidade nas novas organizacións»

Na segunda xornada da Feira do Emprego e Formación «Tecnoimaxín» o venres 26 de outubro terá lugar a Feira Maker de 10:00h a 12:00h, onde os asistentes poderán coñecer todas as novidades sobre novas tecnoloxías e robótica da man de expertos do sector, grazas a conferencias e exhibicións, que contarán coas intervencións de Manuel Rodríguez, técnico de hardware de OPRobots e Alejandro Santos, técnico de Software de OPRobots.

Ás 12:30h está prevista a realización dunha charla a cargo de Óscar Rodríguez, Coordinador xeral de Ledisson Ait, programación robótica, sobre «A disrupción laboral: unha verdade incómoda».

Xa pola tarde, ás 16:00h a Escola Superor Gallaecia será a encargada da realización dunha charla sobre «Tecnologia vs Arte – Vídeo360º», a cargo de Emília Simão e Samuel Barbosa – Professores de Multimédia e Artes da Escola Superior Gallaecia e Ensino Universitário.

Para rematar esta segunda xornada da Feira do Emprego e Formación «Tecnoimaxín», ás 17:30h, Brais X. Currás Doutor en Arqueoloxía e Mar Cortegoso Licenciada en Historia, falarán sobre «Transferencia e innovación: as paisaxes do sal como recurso económico».

A terceira e derradeira xornada terá lugar o sábado 27 de outubro cunha Feira de Empresas do sector que comezará ás 10:00h e se estenderá ao longo da mañá, con presentacións das empresas da comarca cun perfil innovador baixo a moderación de Susana Rodríguez, Coach e psicóloga social. Tamén se contará coa ponencia de María Caeiro, Conselleira Delegada Grupo Caeiro, que ás 11:00h falará sobre a «Nova perspectiva nos Recursos humanos, unha mirada sensible na era tecnolóxica».

A Feira do Emprego e Formación «Tecnoimaxín» chega un ano máis á Guarda para desenvolver unha ampla programación de actividades ao longo de 3 días, un evento dirixido a estimular o talento e crear cultura emprendedora na comarca do Baixo Miño.

O proxecto conta cunha páxina web (www.imaxinaguarda.com) na que se irá ampliando informacións de interese sobre este Feira do Emprego e Formación, que aspira a converterse nunha cita obrigada para todas aquelas persoas interesadas en coñecer máis sobre as novas tecnoloxías, a formación continua e emprego, novas vías de negocio, entre outras novidades do sector empresarial.

PROGRAMA TECNOIMAXÍN – CONCELLO DA GUARDA

XOVES 25 OUTUBRO

MAÑÁ
Acto inaugural – 10:00 horas
David Regades Delegado da Zona Franca de Vigo

OBRADOIRO 10:15 – 13:00 horas
Competencias emocionais para afrontar un futuro laboral dixitalizado
Gema Sánchez- Cabezudo
Coach, formadora e Psicopedagoga

TARDE

18:30 – Proxectos da Zona Franca de Vigo
Débora Ramonde, Directora de Zona Franca e Explotación Inmobiliaria de Vigo

19:00 a 20:30 A felicidade nas novas organizacións
Jaume Gurt , Director de Organización e Desenvolvemento de persoas Schibsted Spain (formada polas marcas InfoJobs, Fotocasa, Vibbo, Coches.net e MilAnuncios
Autor Blog Un Ceo sin corbata

VENRES 26 OUTUBRO

FEIRA MAKER ( feira de tecnoloxía, robótica, …)
Conferencia/exhibición 10:00/12:00 Robótica de competición e formación por OPRobots
Manuel Rodríguez (técnico de hardware de OPRobots) e Alejandro Santos (técnico de Software de OPRobots) Contarán con robots durante todo o día no seu stand

12:30 / 13:30
Óscar Rodríguez Coordinador xeral de Ledisson Ait, programación robótica,
A DISRUPCIÓN LABORAL: UNHA VERDADE INCÓMODA
Novos perfiles, actitudes, aptitudes nos novos entornos laborais

TARDE

16:00-17:30 ESCOLA SUPERIOR GALLAECIA
Emília Simão & Samuel Barbosa – Professores de Multimédia e Artes da Escola Superior Gallaecia | Ensino Universitário
Tecnologia vs Arte – Vídeo360º

17:30-18:00 Transferencia e innovación: as paisaxes do sal como recurso económico
Brais X. Currás Doutor en Arqueoloxía e Mar Cortegoso Licenciada en Historia

SÁBADO 27 DE OUTUBRO

DURANTE TODA A MAÑÁ 10:00 / 14 horas
Feira de empresas
11:00/12:00 Nova perspectiva nos Recursos humanos, unha mirada sensible na era tecnolóxica
María Caeiro, Conselleira Delegada Grupo Caeiro
Vicepresidenta de M.Caeiro S.A.

Presentacións das empresas: empresas da comarca cun rasgo innovador
Conduce Susana Rodríguez
Coach e psicóloga social