Xa está aberto o prazo de inscrición no Desfile de Entroido da Guarda.

O Desfile realizarase o día 16 de febreiro e o prazo de inscrición estará aberto entre o 1 e o 6.

Ata o vindeiro martes día 6 de febreiro aqueles interesados en participar no Desfile de Entroido poden facer as súas inscricións a través do rexistro xeral do Concello da Guarda nas seguintes categorías:

• CARROZAS, a partir de 15 participantes, dos cales 5 deberán estar enriba dun móvil.

• COMPARSAS, un mínimo de 20 participantes acompañados de música

• GRUPOS, mínimo de 10 persoas e un máximo de 15.

As bases, que se poden consultar na páxina web do concello prevén unha compensación directa por participar ás 10 primeiras comparsas ou carrozas, así como aos 5 primeiros grupos, podendo chegar a mais agrupacións sempre que haxa crédito dispoñible, coas seguintes cantidades

• CARROZAS—-300€ 

• COMPARSAS—250€ 

• GRUPOS——150€

O Desfile realizarase o venres 16 de febreiro ás 20:00h. inaugurando un novo percorrido entre a Alameda e a Rúa do Porto, que transcorrerá por Concepción Arenal.

As bases están dispoñibles para a súa consulta no taboleiro de anuncios da sede electrónica, e na web municipal: https://www.aguarda.es/publicadas-as-bases-para-participar-no-desfile-de-entroido/