A Guarda cambia o formato de Entroido, cambiando o día do Desfile e potenciando a programación para crianzas e familias

O Entroido se transforma na Guarda neste 2024 incorporando importantes novidades tanto na súa programación como no Desfile de Carrozas, Comparsas e Grupos, que se despraza de data e percorrido.

De cara á programación, esta se centrará fundamentalmente en actividades pensadas para o público familiar comezando o Sábado 10 de febreiro cunha Festa – Baile de Entroido na Praza do Reló ás 17:30h. Esta festa que incorpora baile, animación e concurso de disfraces, está pensada para ser gozada en familia, cos nenos e os seus pais como principais destinatarios. O Concurso de Disfraces contempla ata tres categorías: ao Mellor disfrace, ao Mellor disfrace en familia e ao Disfrace mais divertido.

A continuación, a charanga Os Charamujas percorrerá as rúas da vila levando música, baile e diversión dende a propia Praza do Reló ata a Alameda. Será pola noite, a partir das 23.30h. c momento da Festa DJ na Alameda, a partir das 23.30h. a cargo de DJ Christian Pereira

O domingo 11 de febreiro a festa se despraza ao Auditorio de San Benito onde se desenvolverá o espectáculo infantil que reencarnará un pequeno circo, “O Show de Fifo”. Unha proposta participativa na que o paiaso Fifo non sabe se vive nun soño ou se sempre ten sono, coa axuda dos nenos a través de xogos, bailes, gags e risas, descubrirá se vive nun mundo certo ou se é mellor espertar, creando un espectáculo de interacción constante co público moi divertido. Tralo remate do espectáculo haberá animación musical polas rúas da localildade.

O luns 12 a programación trasládase á Alameda da Guarda onde terá lugar unha dobre cita, un obradorio de sombreiros de Entroido, a partir das 17:00h. e a actuación de Cé Orquesta Pantasma ás 18:00h.

Como se pode ver, a programación neste 2024 quere repartirse polas diferentes zonas da vila, aos que levar a cor e diversión do Entroido.

Mais o Entroido non remata aquí, xa que queda aínda por vivir o gran desfile de Entroido, que este ano estrea formato con data e percorrido diferente realizándose o venres 16 de febreiro ás 20:00h. entre a Alameda e o Porto da Guarda. O desfile está aberto á participación de Carrozas, Comparsas e Grupos a partir de dez persoas, todos aqueles interesados en participar poderán facelo a partir do 1 de febreiro ata o día 6, tendo a disposición as bases na páxina www.aguarda.es