A AGRUPACIÓN CULTURAL GUARDESA CONVOCA O XXIX CERTAME DE POESÍA “FELICIANO ROLÁN”

As bases do certame son:

1.- Poderán presentarse poetas de calquera nacionalidade, sempre que os traballos que concursen veñan escritos en galego ou castelán.
2.- Os traballos serán orixinais e inéditos e comprenderán poemas non premiados noutros concursos. O tema e a forma serán libres.
3.- Cada concursante remitirá un máximo de dous poemas que non deberán ter menos de 30 versos nin excederán dos 100 en cada poema.
4.- Os traballos presentaranse mecanografados a dous espazos e por unha soa cara, en folio e por quintuplicado. En plica pechada faranse constar os datos do autor así como o enderezo e número de teléfono. Os orixinais se remitirán ao seguinte enderezo:

Apdo. de Correos, 3 – 36780 A GUARDA (Pontevedra)
O Brasileiro e Xanelux (A Guarda)

5.- Xulgará o presente premio un xurado constituído por membros da Agrupación Cultural Guardesa e persoas relacionadas co mundo das letras. A súa composición darase a coñecer ao emitirse o fallo.
6.- O fallo do xurado darase a coñecer a través dos distintos medios de comunicación, e comunicaráselle directamente aos gañadores.
7.- O Premio “Feliciano Rolán” de Poesía estará dotado con:
 PRIMEIRO PREMIO: 360 Euros e Placa
 SEGUNDO PREMIO: 120 Euros e Placa
TERCEIRO PREMIO: 60 Euros e Placa
A Agrupación Cultural Guardesa concederá un accésit si o considera oportuno segundo o acordado na Asemblea do 16 de abril de 2009.

8.- Os Premios serán entregados nun Acto Cultural Poético que se celebrará na Guarda o martes 4 de agosto ás 9:30 da noite no Centro Cultural da Guarda. Non poden ser declarados desertos.
9.- O prazo de admisión dos traballos pecharase o mércores 15 de xullo de 2015
10.- Non se manterá correspondencia sobre o concurso, e os traballos non premiados e plicas serán destruídos rematado o fallo do Xurado.
11.- Os traballos premiados quedarán en poder da Agrupación Cultural Guardesa, que poderá publicalos cando o considere conveniente.
12.- A participación neste concurso implica a aceptación das presentes bases, así como tamén a decisión do xurado para algún caso non previsto nas mesmas.

A agrupación cultural guardesa agradece a presenza das persoas premiadas no acto de entrega.

Este premio está patrocinado polo Concello da Guarda e colabora a Comisión de Festas do Monte.