Montse Fajardo foi a encargada de dar comezo ás Barferencias de Inverno na Guarda

Un ano máis chegan as barferencias ós nosos bares. É este un formato que acadou grande éxito nas súas edicións anteriores, xa que permite debater e profundizar sobre diversos temas nun ambiente íntimo e distendido. Nesta nova edición volven a primar os temas históricos e arqueolóxicos, que tanto interese espertan sempre entre a nosa poboación, destacando as charlas que nos achegan os resultados das últimas intervencións arqueolóxicas nas salinas do Seixal e no Monte Santa Trega.

O ciclo de charlas iniciouse o pasado venres día 23 de novembro cunha charla adicada á igualdade de xénero, impartida por Montse Fajardo, a autora de do libro “Invisibles”, contando coa afluencia dunha treintena de asistentes, una barferencia cuns duros e necesarios relatos centrados no maltrato á muller.

Refírese no libro, en verbas de María Reimóndez, que se debe insistir en falar do horror para evitar que se repita. O libro aborda, a través de sete casos reais, as distintas caras da violencia machista, desde a máis evidente, a do maltrato físico, ata a violencia psicolóxica, tentando amosar como afecta aos fillos e fillas da parella. O público asistente mostrou gran interese e así se manifestou na rolda de intervencións posterior ao relatorio da escritora.

Montse Fajardo, é licenciada en Ciencias Políticas e da Administración pero a súa traxectoria profesional sempre estivo vinculada ao xornalismo.

Na actualidade forma parte do equipo redactor do programa A memoria das mulleres, nesta liña imparte por centros educativos, asociacións culturais, concellos… a charla A represión sobre as mulleres tras o golpe de Estado do 36, coa que se contou na edición das Barferencias do ano pasado.

Dende a Concellería de Cultura convídase a toda a cidadanía a participar nestas actividades que espertan o interese dos asistentes e que cada ano congregan a máis público.