O autor hiperrealista Arquímedes Artal inaugura exposición na Casa dos Alonso o 16 de marzo.

Fillo dos pintores Fernando Artal e María José Moreno, Arquímedes Artal herdou a paixón familiar pola arte pictórica e así dende moi novo destaca polas súas condicións plásticas e xa dende os 6 anos comeza a gañar certames infantís aos que continuarán un largo palmarés na súa xuventude. Nos anos 1984 e 1985 gaña o Certame Xuvenil de Artes Plásticas da Xunta de Galicia nas categorías de Debuxo e Pintura. Se forma en Belas Artes nas Universidades de Salamanca e Sevilla, completando a súa formación con diversos cursos entre os que lle gusta destacar o impartido polo célebre e admirado Antonio López

A súa presencia en exposicións individuais e colectivas en galerías de Madrid, Granada, Sevilla ou Londres non fan senón constatar a maxistral técnica de óleo sobre lenzo que captura con mestría a esencia do paso do tempo, fusionando esculturas antigas en paisaxes contemporáneos e reinterpretando a historia, unha das súas grandes afeccións.

A mostra individual na sala de exposicións da Fundación Nova Caixa Galicia de Vigo en 2009 non fixo senón consolidar a súa posición como un dos artistas máis destacados da súa xeración.

Desde 2004 participa permanentemente en exposicións individuais e colectivas na galería Selecta Capital.

Arquímedes Artal é pintor do tempo e da memoria, a reinterpretación que realiza destes elementos provoca a admiración dos que contemplan a súa obra e que xa forma parte de coleccións privadas e de fondos e coleccións permanentes de distintas institucións e museos.

A próxima exposición que terá lugar entre o 16 de marzo e o 5 de abril na Casa dos Alonso na Guarda reunirá unha mostra da súa obra rendendo homenaxe a esta vila cun dos seus cadros inspirados na sempre sorprendente costa guardesa.

A mostra poderase visitar entre o 18 de marzo ao 5 de abril en horario de 11 a 14h. tódolos días da semana, e ademais os sábados e Semana Santa (do 25 ao 30) estara aberta polas tardes entre as 18 e as 20h.

Ademais ao estar situada no vestíbulo da sede do concello, poderase visitar no horario de apertura das dependencias municipais.