A Guarda celebra o Día do Libro cun contacontos na Biblioteca Municipal
O día 23 de abril celébrase o Día do Libro e para conmemoralo a Biblioteca Municipal da Guarda trae un contacontos para os máis pequenos da casa.
Bandullo Azul presenta o contacontos “Os contos do gato” o mércores 23 ás 18:30horas. O gato Fazulas chega cunha chea de contos, xa que lle encanta compartir historias que el mesmo vive como se fose o protagonista.
Este gato dormilón, comilón e algo vacilón trae consigo ao seu amigo o Profesor e ambos veñen con moitas ganas de pasalo ben.
A entrada é libre ata completar aforo. Deste xeito, os máis pequenos aprenderán a importancia da lectura e o poder das historias e dos contos.
